Sala de prensa

Errenteriako Orereta Ikastolako arduradunak eta Ikastolen Elkarteko buruak hartu ditu Xabier Ezeizabarrena Batzar Nagusietako lehendakariak.

Urriaren 1ean da aurtengo Kilometroak, “Erriola” goiburuaz. Errenteria zeharkatzen duen Oiartzun errioak eta han ibiltzeko egurrezko txapulak, “iolak” uztartu dituzte Kilometroak jaiaren goiburua osatzeko eta euskararen ibilbidea irudikatzeko.

Orereta Ikastolak hirugarren aldiz antolatu du Kilometroak, 1984an lehen aldiz eta 1999an ondoren. Aurtengoaren berri eman diote Xabier Ezeizabarrenari Nekane Artola Ikastolen Elkarteko lehendakariak, Arantza Munduate Kilometroak-eko arduradunak, eta Orereta Ikastolako buruek, Itziar Navarrok eta Anartz Muxikak.