Prentsa-bulegoa

A15-EKO TUNELAK IKUSTEN

Gipuzkoako Batzar Nagusietako ordezkaritza bat Leitzarango autobiako Gorosmendi eta Oindolar tunelak ikusten izan da, Bide Azpiegituretako departamentuak gonbidatuta. Europar Batasuneko araudiak aginduta, 500 metro baino luzeagoak diren tunelek baldintza jakinak behar dituzte. Hori dela eta, tunelak egokitzen ari da Gipuzkoako Foru Aldundia bere esku dituen errepideetan, besteak beste, argiteriak, sistema digitalak, haizagailuak, ubideak eta suhiltzaileentzako bitartekoak berritzen eta errepidea egin zenetik hiru hamarkada igarota azaldu diren higadurak konpontzen, tunelak seguruagoak izateko.

Batzar Nagusietatik EH Bildu, EAJ, PSE eta PPko ordezkariak joan dira ikustaldira eta Maria Ubarretxena Bide Azpiegituretako diputatuarekin eta Silvia Perez Errepideetako zuzendariarekin, Foru Aldundiko goi teknikariak izan dira lanei buruzko argibideak ematen.