Prentsa-bulegoa

ERRESPETATU BIZIA EMAKUMEEI: HILKETA MATXISTARIK EZ!

Gipuzkoako Batzar Nagusiek bat egin dute Foru Aldundiak deitutako elkarretaratzearekin, Pasaian gizon batek bere bikote ohia hil izana errotik gaitzesteko eta senitartekoei elkartasuna adierazteko. Jauregi aurrean isilune bat eginez Eider Mendoza diputatu nagusiarekin eta zenbait foru diputatu eta zuzendarirekin elkartu dira Batzar Nagusietako Mahaiko kideak, Xabier Ezeizabarrena lehendakaria buru zutela, eta erakundeko alderdietako ordezkariak, EH Bildu, EAJ-PNV, PSE-PSOE, PP eta Elkarrekin Gipuzkoako batzarkideak.