Prentsa-bulegoa

EZOHIKO BATZAR NAGUSIA

MILA URTE IPUSCUATIK GIPUZKOARA: 
IRAGANETIK ETORKIZUNERANTZ

“Euskal demokrazia-eredua eta euskal identitatea” balioetsi ditu Ezeizabarrena Batzar Nagusietako lehendakariak etorkizuna eraikitzeko, “euskara, berdinzaletasuna, giza duintasuna” eta “gure askatasuna bermatu eta erabakimenerako bitarteko politikoak” oinarrian jarriz, “Ipuscua” izena idatzita dagoen agiriak mila urte dituela-eta Altzo-Azpiko San Salbador elizan egin den Ezohiko Bilkuran.

Batzar Nagusi berezian ehundik gora herri-ordezkari elkartu dira, Imanol Pradales lehendakaria buru zela, zeinari aginte makila eman dion Xabier Olanok, Altzoko alkateak. 

Xabier Ezeizabarrena Batzar Nagusietako lehendakaria eta taldeetako bozeramaileak elkartu dira, EH Bilduko Maddalen Iriarte, EAJ-PNVko Euge Arrizabalaga, PSE-PSOEko Alberto Albistegi, Mikel Lezama PPkoa eta Miren Etxebeste Elkarrekin Podemosekoa, eta gainerako batzarkideak. Bertan izan dira Eider Mendoza diputatu nagusia eta Foru Gobernuko kideak ere, eta Gipuzkoako 51 alkate eta alkateorde, hala nola Bakartxo Tejeria eta Unai Hualde Legebiltzarreko eta Nafarroako Parlamentuko presidenteak; Ana Otadui eta Irma Basterra, Bizkaiko eta Arabako Batzar Nagusietako buruak; hiriburuetatik, berriz, Eneko Goia Donostiako alkatea eta Joseba Asiron Iruñekoa etorri dira. 

Bideoa ikusi