Prentsa-bulegoa

DONOSTI CUP 2026

ANGOLAKO ETA KATALUNIAKO JOKALARIEI HARRERA

16.000 partaideren artean, lehen aldiz etorri dira Donosti Cupera Angolatik eta aurreneko aldiz ari da lehian neska ijitoen klub federatu bat, Kataluniatik datorena, Tramontana La Mina. Eta bi talde horiek hartu dituzte Batzar Nagusietan Xabier Ezeizabarrena lehendakariak eta EH Bildu, EAJ-PNV, PSE-PSOE eta PPko batzarkideek.

Ezeizabarrenak Batzar Nagusiak zer diren eta ordezkaritza duten taldeen berri eman die gonbidatuei. Donosti Cupeko zuzendari Iñigo Olaizolak eskerrak eman dizkie Batzar Nagusiei, erakundearen laguntzari esker etorri direlako Angolako eta Bartzelona eskualdeko taldeak.

Luandako Live Activeko ordezkariak, berriz, beren taldearen etorrerak Angolan izan duen oihartzuna nabarmendu du eta Tramontana La Minakoak iragarri du Herberehetatik ere deitu dituztela, bi taldeek eskerrak eman dituztelarik Donosti Cupeko txapelketan esku hartzeko aukeragatik.