Organoak eta Batzarkideak

Batzar Nagusietan Mahaiko Lehendakari hautatu zuten II. Legegintzaldia Eratzeko Bilkuran. Hasierako diskurtsoan, Gipuzkoako gizarteak 1979tik egindako aurrerapenei buruzko balantzea egin zuen. Aurrerapen horietako asko Batzar Nagusiek helburutzat ezarritakoak ziren. Euskararen indarberritzea, Autonomia Estatutua lortzea, Kontzertu Ekonomikoa berreskuratzea eta udalei emandako laguntza azpimarratu zituen. Lorpen horien beste aldean, aldi horretan areagotu egin ziren nahitaezko langabezia-tasa –batez ere gazteena–, toxikomaniak eta indarkeria jarri zituen. Gaitz horiei aurre egiteko etika eta kultura hobetzea proposatu zuen, “Gipuzkoan bizi garen guztion arteko benetako eta errespetuzko bizikidetasuna jarriz helburu saihestezintzat”. Hitz hauekin esan zien agur, azken Batzarrean, IV. Legegintzaldiko biltzarkideei: “eta une hauetan esaten den bezala, gaizki esandakoak ahaztu, eta ondo esandakoak gogoan hartu”.