Herritarrak

ORRIAREN EDUKI NAGUSIA

Uztailaren 2an Oñatin egingo den Osoko Bilkura Ibiltariaren garapenaren kronograma

10.30 Dantzarien harrera. Alkateak Presidenteari aginte makila eskura emango dio.

10.40 Sartzen joango dira: gonbidatuak, batzarkideak, diputatuak eta mahaikideak.

• Atarian, klarinek Gipuzkoako ereserkia joko dute.
• Agintariak (Presidentea, Diputatu Nagusia eta Alkatea) udaletxera sartuko dira, mazadunek gidaturik.

10.50 Udaletxeko sarreran, ohorezko liburua sinatuko dute.

• Presidenteak eta Diputatu Nagusiak Udalaren ohorezko liburuan sinatuko dute.
• Alkateak Batzar Nagusien ohorezko liburuan sinatuko du.
• Gainerako guztiak bilkura aretoan sartzen eta esertzen joango dira.

11.00 Osoko Bilkurari hasiera emango zaio.

• Presidente andreak hartuko du hitza, Alkate jaunari emateko.
• Alkate jaunaren hitzaldia.
• Presidente andrearen hitzaldia.
• Osoko Bilkurako gaiak:
  • Ebazpen-proposamenaren eztabaida eta bozketa, bidezkoa bada: zamaketa-sektorea erreformatzen duen 4/2017ko otsailaren 24ko Errege Lege Dekretua arbuiatzeko, EH Bildu batzarkide-taldeko Judit García andreak aurkeztua.
  • 2018ko uztailaren 2ko datorren Osoko Batzar ibiltaria egingo den lekua finkatzea (Zumaia).

Osoko Bilkura amaitzen denean, denak zutik gaudela, klarinek Agur Jaunak joko dute.