Ezagutu Batzar Nagusiak

ORRIAREN EDUKI NAGUSIA

Lurralde Historikoaren aurrekontuak onartzea

FUNTZIOEN ATALEKO AUKERAK

Gipuzkoako Lurralde Historikoaren aurrekontuetan azaltzen zaizkigu, kopuruetan irudikatuak, Foru Aldundiak lortu nahi dituen helburu politikoak, abenduaren 31ra arte irauten duen aurrekontu-ekitaldirako. Aurrekontu-ekitaldian Aldundiak gehienez ere erabil dezakeen kopurua adierazten da aurrekontuetan, bai eta gastu horiek zertan erabili ere. Aldi berean, zergen bidez zenbat diru bilduko den ere kalkulatzen da.

Lurraldeko Aurrekontu Orokorrak Batzar Nagusietan eztabaidatu eta onartzen dira. 2005

Aurrekontuak foru-arau baten bidez onartzen dituzte Batzar Nagusiek. Foru-arau hori bideratzeko ekimena Foru Aldundiari bakarrik dagokio, eta foru-araua onartzeko prozedura arruntari jarraituko zaio, baina berezitasun batzuekin. Berezitasun nagusiak hauek dira:

• Aurrekontuetarako foru-arauaren proiektuak Batzar Nagusien gainerako lanen aldean lehentasuna dauka izapidetzerakoan.
• Kontzeptu batzuen kreditua handitzea badakar zuzenketak, izapidetzeko onartua izateko, aurrekontuko beste kontzeptu batean kopuru bereko jaitsiera proposatu beharra dauka.
• Zuzenketak sarrerak gutxitzea badakar, Foru Aldundiaren adostasuna behar du izapidetzeko.